جهاز مراتي
عندي مشكله ممكن اشوف رأي الناس عندك علي الصفحه
انا متجوز من تلات شهور وتعبت جدا في تجهيز شقتي ومحدش ساعدني خالص
واهل مراتي كانو طول فطرة الخطوبه يقوللي احنا بنجيب احسن لبس وجهاز لبنتنا وهاتقعد عشر سنين ماتجش فتله في بيتك
عديتها
وانا كاراجل مش بفتح دولاب مراتي المهم بعد اسبوعين لقيت مراتي بتطلب مني لبس داخل وخارجي
قولتلها ازاي انت لسه عروسه في كلام اهلك واللبس اللي جابوه
زعلت واتقمصت ونزلت معاها اشتريلها الحاجات اللي نقصاها
واكتشفت ان اغلب اللبس اللس عندها انا اللي كنت مشتريه
بعد كدا لقيتها بتطلب مني فلوس تجيب هديا لبنات العيله عندها
مره خطوبه مره قرايه فاتحه مره مريضه مره عيد ميلاد
في الاول بقول اشرفها قدام اهلها وبديها الفلوس
بس لما الموضوع زاد عن حده وقفت وقلتليها كدا كتير مش هاشتري هدايا لحد تاني
لقيتها بتفتح النيش بتاعنا وبتقولي علي كل حاجه موجوده ده هدايا من بنات العيله عندها
انا اټصدمت وقولتلها طيب انا مالي كل الحاجات دي اهلك قالو انهم هما اللي اشتروها وانا مضيت قايمه علي كدا
لو عايزه تجهزي بنات العيله عندك اطلبي من ابوكي مش علي حسابي
ومن ساعتها البيت بقي نكد في نكد ومشاكل من اهلها وڠضب مراتي
هل انا غلطان
