حبيت راجل متجوز

السلام عليكم انا انسه وحبيت راجل متجوز هو كان صريح معايا قالي انو بيحب مراته بس عاوز زوجه تانيه وانا وافقت بس الظروف مكنتش مساعده أن احنا نتجوز هو بيحبني من حوالي 6سنين بس مصارحنيش غير من سنه وعرف مراته انو عاوز يتجوز وقالها عليا بدأت المشاكل هو زميلي في الشغل واكبر مني بسنه وعاهد ربنا انو عمرو مهيسبني ولا هيبعد عني واستمرينا مع بعض سنه وكان مخليني اسعد بنت في الدنيا وكانت بتواجهنا مشاكل مع مراته وكان هو بيحلها وللاسف رجعت من العمره كان بيكتبلي علي الوتس مراته شافت الرسائل وقعدت تحسبن دخلنا انا وهي في كلام وشدينا مع بعض وبعديها بيوم لقيت رساله بيقولي فيها انا مش هقبل بالاهانه او الكلام اللي حصل وبنا شغل بس انا بصراحه افتكرتها هي رديت عليها قولتلها انتي تعبتيني وتعبتي نفسك ايه اللي يرضيكي وانا هعمله اتفاجات بانو هو اللي بيقولي انا اللي بكتب رديت قولتله لو سمحت فويس لقتها بتلقنه الكلام اټصدمت قولتله اللي بنا انتهي اخدت اجازه جوالي 5ايام من الشغل وانا كنت لسه مرجعتش شغلي وقابلته صدفه في الشارع لقيته بيكلمها في التليفون وهو
متيم انا فعلا اټصدمت وموجوعه وحصل تجاوزات بنا انا والله كنت موافقه أن احنا نكون اصحاب وحاولت اقرب منها بس صدمتي كانت في هو كان واخد عهد الله علي نفسه انو مش هيسبني وقالي لو خيروني بينك وبين بيتي هختارك وانا رفضت انا زعلانه جدا علي نفسي ومش هنكر اني بدعي عليه لأنه خلاني ڠضبت ربنا وهو معايا في الشغل انا بتعامل عادي بس من جوايا موجوعه جدا اني قبلت بحاجه وهو اللي كان بيجري ورايا وبيقنعني بيه مش هقولك طبطبي عليا بس فعلا مش عارفه اعمل ايه واتجاوز الموضوع ده بعد مبعني وخاف علي بيته مع أنه كان بيقولي انا كنت مش عايش كان مراته واولادها مصلحتهم وبس وعملت كل خير معاه مع اني لما بشوفه بحس انو عاوز يقول كلام كتير وبحسه مجبور علي اللي عمله انا عوزه أتجاوز المرحله ده وارجع طبيعيه زي مكنت تاني
وعليكم السلام ورحمة الله وبركاتة
حبيبتي
والله م عارفة اقول أية من كتر ما اتكلمت علي الراجل المتجوز
_ الموضوع المألوف جدا أنة بيدخل عليكي أنه حكايته ضايعة مع مراته .. بس دة جدد أنه بيحب مراتة وبيحبك من ٦ سنين طب ٦ سنين سنة يبقي ٧ أو حتي الإجمالي ٦ سنين متكلمش خلالهم ليه ودخل دوغري !
مستنيه مباركتها ليكم 
_ واكبر دليل علي كدبه أنه أول ما عرفت هو قلب قصادها قطة وقالك انتي مجرد شغل وبس .. وعلشان ربنا يظهرلك اكتر خلاكي تشوفيه بعينك وهو بيحب في مراته قدامك ..